Deprecated: mysql_connect(): The mysql extension is deprecated and will be removed in the future: use mysqli or PDO instead in /data/xankendi/public_html/class/DB.class.php on line 20

Warning: session_start(): Cannot send session cookie - headers already sent by (output started at /data/xankendi/public_html/class/DB.class.php:20) in /data/xankendi/public_html/class/session.class.php on line 12

Warning: session_start(): Cannot send session cache limiter - headers already sent (output started at /data/xankendi/public_html/class/DB.class.php:20) in /data/xankendi/public_html/class/session.class.php on line 12
Xankəndi ::: MİLLƏT VƏKİLİMİZ ::: Xankəndinin deputatı: “Demişik ki, ora gedənlər qara siyahıya düşəcəklər” :::
azen
  • Xankəndinin küçələri
  • Şuşadan Xankəndinin görünüşü
  • Qarabağımızın təbiətindən görüntü
  • II Dünya Müharibəsinə abidə
  • Bakı-Xankəndi-Şuşa yolu

MİLLƏT VƏKİLİMİZ

Bloqda 122 saylı Xankəndi seçki dairəsindən Dördüncü çağırış Azərbaycan Respublikası Milli Məclisinin deputatı Flora Qasımovanın seçicilərinin üzləşdiyi problemlərin həlli ilə bağlı görüşlərin keçirilməsi və qəbulların aparılması istiqamətində fəaliyyətini izləyəcək və həyata keçirilən tədbirlər, planlaşdırılan işlər barədə ətraflı məlumat ala biləcəksiniz

 

  122 saylı Xankəndi seçki dairəsindən IV və V çağırış Azərbaycan Respublikası Milli Məclisinin deputatı Flora Qasımovanın tərcümeyi halı

 

Qasımova Flora Qasım qızı 27.12.1947-ci ildə Stepanakert şəhərində anadan olub.

1965-ci ildə Stepanakert şəhər N.Gəncəvi adına 4 saylı orta məktəbi bitirib. 1966-1970-ci illərdə Azərbaycan Dövlət Pedaqoji İnstitutunda təhsil alıb. 1970-ci ildən 1975-ci ilədək Stepanakert şəhər 4 saylı ortaməktəbdə riyaziyyat müəlliməsi, tədris hissə müdiri işləyib.1975-1976-cı illərdə Azərbaycan KP Stepanakert şəhər Komitəsindətəlimatçı vəzifəsində çalışıb.

1973-1975-ci illərdə Dağlıq Qarabağ Muxtar Vilayəti Zəhmətkeş Deputatları Sovetinə deputat seçilib.

1976-cı ildə ailə həyatı qurub. Həyat yoldaşının işi ilə əlaqədar 1977-1981-ci illərdə Bakı şəhərində 247 saylı orta məktəbdə riyaziyyat müəlliməsi işləyib. 1981-ci ildə yenidən Stepanakert şəhərinə qayıdaraq 4saylı orta məktəbdə müəllimə işləyib. 1988-1994-cü illərdə Bakı şəhərində 56 və 61 saylı orta məktəblərdə müəllimə işləyib.

1994-cü ildən 2005-ci ilədək Azərbaycan Respublikası DİN-nin Pasport Qeydiyyat İdarəsində Katibliyin rəisi vəzifəsində çalışıb.

Həyat yoldaşı Mirzəyev Şirin Vəli oğlu, peşəkar hərbçi olub, 1992-ci ildə Ağdam rayonunda gedən döyüşlərdə həlak olmuşdur. Azərbaycanın MilliQəhrəmanıdır.

Oğlu Mirzəyev Elsevər Şirin oğlu, Daxili İşlər Orqanlarında çalışır.

Qızı Mirzəyeva Aynur Şirin qızı, Azərbaycan Dillər Universitetini bitirib, İngilis dili müəlliməsidir.

Xankəndinin deputatı: “Demişik ki, ora gedənlər qara siyahıya düşəcəklər”

14.10.2014

“Xarici ölkələrin nümayəndələrinin işğal olunmuş Azərbaycan ərazilərinə səfər etməsi birinci hal deyil”.

Bunu Modern. az-a açıqlamasında Xankəndindən olan deputat Flora Qasımova deyib.

O, xarici nümayəndələrin Dağlıq Qarabağa tez-tez səfər etmələrinin ermənilərin məqsədlərinə xidmət etməkləri kimi dəyərləndirib. “Dəfələrlə İngiltərənin, Rusiyanın, Fransanın, ATƏT-in Minsk qrupunun üzvü olan dövlətlərin nümayəndələri Dağlıq Qarabağa yollanıb. Biz dəfələrlə demişik ki, Azərbaycanın icazəsi olmadan Dağlıq Qarabağa gedən insanlar “qara siyahıya” düşəcək. Yəni onların Qarabağa getməsi qeyri-qanunidir. Onlar bir daha Azərbaycana viza ilə gələ bilməzlər. Ermənilərin böyük ümidi var ki, dünya Dağlıq Qarabağı müstəqil respublika kimi tanıyacaq. Bildiyiniz kimi, vaxtaşırı xarici deputatalar ora gedir. Biz isə onları arzuolunmaz şəxs elan edirik və siyahıya salırıq ki, onlar bir daha Azərbaycana buraxılmayacaq. Fransa Azərbaycanın ərazi bütövlüyünü tanıyan dövlətdir, Minsk qrupunun həmsədridir. Sadəcə, ermənilərin məqsədləri odur ki, guya dünya Dağlıq Qarabağı müstəqil bir dövlət kimi tanısın. Məqsəd ancaq odur”.

Qeyd edək ki, bu yaxınlarda fransalı deputatlar Ermənistan tərəfindən Azərbaycanın işğal edildiyi ərazilərə səfər ediblər. Separatçı rejimin rəhbərliyi Bako Saakyan parlamentin deputatı Fransua Roşbluanın rəhbərlik etdiyi nümayəndə heyətini qəbul edib. Görüşdə qondarma rejimlə Fransa arasındakı əlaqələr, regional məsələlər müzakirə edilib.

Namidə BİNGÖL

Modern.az