Deprecated: mysql_connect(): The mysql extension is deprecated and will be removed in the future: use mysqli or PDO instead in /data/xankendi/public_html/class/DB.class.php on line 20

Warning: session_start(): Cannot send session cookie - headers already sent by (output started at /data/xankendi/public_html/class/DB.class.php:20) in /data/xankendi/public_html/class/session.class.php on line 12

Warning: session_start(): Cannot send session cache limiter - headers already sent (output started at /data/xankendi/public_html/class/DB.class.php:20) in /data/xankendi/public_html/class/session.class.php on line 12
Xankəndi ::: MİLLƏT VƏKİLİMİZ ::: Şəhidlərin, Qarabağ qazilərinin “qan pulu” məsələsi yenə MM-də müzakirə olundu :::
azen
  • Xankəndinin küçələri
  • Şuşadan Xankəndinin görünüşü
  • Qarabağımızın təbiətindən görüntü
  • II Dünya Müharibəsinə abidə
  • Bakı-Xankəndi-Şuşa yolu

MİLLƏT VƏKİLİMİZ

Bloqda 122 saylı Xankəndi seçki dairəsindən Dördüncü çağırış Azərbaycan Respublikası Milli Məclisinin deputatı Flora Qasımovanın seçicilərinin üzləşdiyi problemlərin həlli ilə bağlı görüşlərin keçirilməsi və qəbulların aparılması istiqamətində fəaliyyətini izləyəcək və həyata keçirilən tədbirlər, planlaşdırılan işlər barədə ətraflı məlumat ala biləcəksiniz

 

  122 saylı Xankəndi seçki dairəsindən IV və V çağırış Azərbaycan Respublikası Milli Məclisinin deputatı Flora Qasımovanın tərcümeyi halı

 

Qasımova Flora Qasım qızı 27.12.1947-ci ildə Stepanakert şəhərində anadan olub.

1965-ci ildə Stepanakert şəhər N.Gəncəvi adına 4 saylı orta məktəbi bitirib. 1966-1970-ci illərdə Azərbaycan Dövlət Pedaqoji İnstitutunda təhsil alıb. 1970-ci ildən 1975-ci ilədək Stepanakert şəhər 4 saylı ortaməktəbdə riyaziyyat müəlliməsi, tədris hissə müdiri işləyib.1975-1976-cı illərdə Azərbaycan KP Stepanakert şəhər Komitəsindətəlimatçı vəzifəsində çalışıb.

1973-1975-ci illərdə Dağlıq Qarabağ Muxtar Vilayəti Zəhmətkeş Deputatları Sovetinə deputat seçilib.

1976-cı ildə ailə həyatı qurub. Həyat yoldaşının işi ilə əlaqədar 1977-1981-ci illərdə Bakı şəhərində 247 saylı orta məktəbdə riyaziyyat müəlliməsi işləyib. 1981-ci ildə yenidən Stepanakert şəhərinə qayıdaraq 4saylı orta məktəbdə müəllimə işləyib. 1988-1994-cü illərdə Bakı şəhərində 56 və 61 saylı orta məktəblərdə müəllimə işləyib.

1994-cü ildən 2005-ci ilədək Azərbaycan Respublikası DİN-nin Pasport Qeydiyyat İdarəsində Katibliyin rəisi vəzifəsində çalışıb.

Həyat yoldaşı Mirzəyev Şirin Vəli oğlu, peşəkar hərbçi olub, 1992-ci ildə Ağdam rayonunda gedən döyüşlərdə həlak olmuşdur. Azərbaycanın MilliQəhrəmanıdır.

Oğlu Mirzəyev Elsevər Şirin oğlu, Daxili İşlər Orqanlarında çalışır.

Qızı Mirzəyeva Aynur Şirin qızı, Azərbaycan Dillər Universitetini bitirib, İngilis dili müəlliməsidir.

Şəhidlərin, Qarabağ qazilərinin “qan pulu” məsələsi yenə MM-də müzakirə olundu

05.02.2015

Bəs onların haqqı nə vaxt ödəniləcək?

Millət vəkili Flora Qasımova parlamentin son iclasında “Hərbi qulluqçuların dövlət icbari şəxsi sığortası haqqında” qanunla şəhid ailələrinə və Qarabağ əlillərinə çatacaq sığorta pulunun verilməsi məsələsini qaldırıb: “Hörmətli, Oqtay müəllim,

Şəhid ailələri neçə müddətdir ki, biz deputatlara müraciət edərək qanunla onlara çatacaq dövlət icbari sığorta pullarını almaları üçün köməklik göstərməyimizi istəyirlər. “Hərbi qulluqçuların dövlət icbari şəxsi sığortası haqqında” Azərbaycan Respublikası Qanununun vaxtında icra olunmaması bu qanunun icrasına məsul olan müvafiq icra orqanlarının günahıdır. Sizdən xahişim odur ki, Milli Məclisin sədri kimi səlahiyyətlərinizdən istifadə edərək tezliklə bu problemin həll olunması üçün öz köməkliyinizi əsirgəməyəsiniz”

Deputat Fazil Mustafa da Milli Məclis rəhbərliyinin bu məsələyə həssaslıqla yanaşdığını və məsələnin həll olunacağına inamını ifadə edib: “Bu gün Gənclər günüdür və cəbhədə həlak olan, yaralananlar da gənclərdir. Bu addımı atmalıyıq ki, insanlıar döyüşməyə, ölməyə peşman olmasınlar”.

Milli Məclisin sədri Oqtay Əsədov isə “Bizə də müraciət ediblər və bu müraciəti hökumətə göndərmişik.”, deyə qaldırılan problemə reaksiya verib.

Xatırladaq ki, artıq neçə ildir şəhid ailələri və Qarabağ əlilləri qanunla onlara çatacaq sığorta pulunu ala bilmirlər. Bilməyənlər üçün bir daha xatırladaq ki, “Hərbi qulluqçuların dövlət icbari şəxsi sığortası haqqında” qanunla Qarabağ müharibəsində şəhid olanların ailəsinə 11 min manat, Qarabağ əlillərinə isə əlilik dərəcələrindən asılı olaraq həmin məbləğin 80, 60 və 40 faizi həddində sığorta pulu ödənməlidir. Amma üstündə bu qədər vaxt keçməsinə baxmayaraq şəhid ailələri və Qarabağ əlilləri bu məbləği ala bilmirlər. Hətta elə şəhid ailəsi, Qarabağ əlili var ki, əllərində bu vəsaitin sığorta şirkəti tərəfindən ödənməsi barədə məhkəmə qərarı da var. Di gəl ki, “Azərsığorta” Dövlət Şirkəti müxtəlif bəhanələr gətirərək bu vəsaiti ödəməkdən boyun qaçırır. Bütün məhkəmə instansiyalarını keçən problem hətta Azərbaycan Respublikası Konstitusiya Məhkəməsi Plenumununa qədər gedib çıxıb. Konstitusiya Məhkəməsi Plenumu da bu vəsaitin şəhid ailələrinə və Qarabağ əlillərinə ödəməsi üçün 28 yanvar 2014-cü il tarixdə qərar verib. Amma “xırda” bir tövsiyə ilə - “Azərbaycan Respublikası Konstitusiyasının 94-cü maddəsinin I hissəsinin 16-cı bəndinə əsasən bu məbləğin ödənilməsi qaydasının və şərtlərinin qısa müddətdə müəyyən edilməsi Azərbaycan Respublikasının Milli Məclisinə tövsiyə edilsin”. Həmin qərar verilən andan bu günə qədər şəhid ailələri dəfələrlə Milli Məclisdə olub, çoxlu sayda millət vəkilləri ilə görüşüb problemin həllinə kömək istəyiblər. Lakin bu günə qədər heç bir nəticə olmayıb.

Şəhid ailələri, Qarabağ əlilləri öz aralarında bu sığorta haqqına “qan pulu” deyirlər. Maraqlıdır şəhidin, Qarabağ əlilinin qan pulunu niyə vermirlər?

Qaziler.az